Timran

በፕሮፖዛል ዝግጅት እና ፕሮጀክት አተገባበር ላይ ለትምራን ባለሞያዎች ለሦስት ቀናት የተዘጋጀው ሥልጠና ተጠናቀቀ


በፕሮፖዛል ዝግጅት እና ፕሮጀክት አተገባበር ላይ ለትምራን ባለሞያዎች ከታኅሣሥ 08-10 ቀን 2016 ዓ.ም በቢሾፍቱ ከተማ የተዘጋጀው የአቅም ግንባታሥልጠና ተጠናቀቀ።

በሥልጠናው የመጀመሪያ ቀን በፕሮጀክት አተገባበር እና ልምድ ረገድ በትምራን ባለሞያዎች ዘንድ ያሉ ተሞክሮዎችን መነሻ በማድረግ የፕሮጀክት አስፈላጊነት፣ ምንነት፣ ለምን ያስፈልገናል፣ አስተዳደር፣ ሂደቶች፣ አተገባበር ሕጎች፣ ስልቶች፣ ማእቀፎች ላይ በዘርፉ ላይ በመምህርነት እና አማካሪነት እየሠሩ በሚገኙት አበበ ደርቤ (ዶ/ር)ትንታኔ ቀርቧል።

በሁለተኛ ቀን ውሎ የፕሮጀክት እቅድ ዝግጅት ጋር በተያያዘ ሥርዓተ ጾታ ተኮር ፕሮጀክት ንድፍ አዘገጃጀት ላይ ያሉ እሳቤዎችን አስመልክቶ ዶ/ር አበበ ጥልቅ መነሻ ሐሳቦችን ያቀረቡ ሲኾን፣ አያይዘውም የፕሮጀክት ዑደት፣ እቅድ ይዘት፣ የዝግጅት ደረጃዎች እና የፕሮጀክት እቅድ ዝግጅት ወሰን ላይ መነሻ ሐሳብ ሰጥተው ባለሞያዎቹ በአራት ቡድን በመከፈል የተለያየ ፕሮጀክት ቻርተር ሠርተው ገለጻ አቅርበዋል።

በመጨረሻው ቀን ውሎ አማካሪው የፕሮጀክት ወሰን ማቀድ፣ ማረጋገጥ፣ ቅደም ተከተል ማስያዝ፣ ሀብት ማፈላለግ፣ የፕሮጀክት እቅድ ማዘጋጀት፣ መተግበር እንዲኹም የፕሮጀክት ክትትል እና ግምገማ ጋር የተያያዙ ጉዳዮች ላይ መነሻ ሐሳቦች አቅርበው፣ ባለሞያዎቹ ደግሞ የተለያዩ የፕሮጀክት ንድፍ ክፍሎችን በቡድን በመከፋፈል ዝርዝር እቅድ አዘጋጅተዋል።

ትምራን ያዘጋጀችው የሦስት ቀናት የፕሮጀክት ንድፍ ዝግጅት እና አተገባበር የአቅም ግንባታ ሥልጠና የሰነቀችውን የሴቶችን የፖለቲካ ተሳትፎ መጨመር እና ውሳኔ ሰጭነት አቅም ማሳደግ ራእይ እውን እንዲኾን በዕለት ተዕለት ተግባራት ውስጥ የጋራ እሳቤ እንዲኖር ያስቻለ መኾኑን ባለሞያዎቹ አስተያየት ሰጥተዋል፤ መሰል ሥልጠናዎች ለባለሞያዎቹ አፈጻጸም መጨመር ብሎም ለተቋማዊ እድገት ጠቀሜታ ስላላቸው ቀጣይነት እንዲኖራቸውም ጠይቀዋል። ሥልጠናው የተከናወነው በጀርመን ዓለም አቀፍ ልማት ትብብር በሚከናወነው የሲቪል ፒስ ፕሮግራም በኩል በተገኘ የገንዘብ እገዛ ነው።

Share this post on

Share on facebook
Share on telegram
Share on whatsapp
Share on pinterest
Share on twitter
Share on linkedin
Share on skype
Share on print

Latest Posts